Мазіла азіральнік сусветнага класу, распрацаваны для падтрымкі адкрытых стандартаў
Інтэрнэту на разнастайных платформах, такіх як Linux, Mac OS X, OS/2, Solaris, Windows
і іншых.
Мазіла забяспечвае зручнае азіранне з падтрымкаю магутных асаблівасцяў, такіх як блакаванне
вынырцаў і азіранне з устаўкамі.
Мазіла хутка загружае старонкі павуціны і правільна іх адлюстроўвае. Дадаткова Мазіла
падтрымлівае вядомыя ўбудовы, такія як Java, Flash, Acrobat, Windows Media Player,
Quicktime, and RealPlayer.
Паштовы кліент Мазіла дазваляе працаваць з некалькімі паштовымі рахункамі. Мазіла
мае магчымасць самастойна распазнаваць паштовую лухту, якая прыходзіць на ваш адрас,
і таму беражэ ваш час. Калі вы скарыстоўваеце Мазіла, як паштовы кліент, вы можаце
не баяцца паштовых вірусаў.
Спрактыкаваным карыстальнікам Мазіла надае магутныя магчымасці кіравання азіраннем.
Сярод іх удасканаленае кіраванне JavaScript, кіраванне адасабленнем, блакаванне малюнкаў,
падтрымка тэм (абалонак) і разнастайных убудоў. Вы атрымаеце ўсё, што вам патрэбна,
для працы ў Інтэрнэце. Ніводны азіральнік нельга так наладзіць пад асабістыя патрэбы,
як Мазіла.
Мазіла не толькі выдатны азіральнік і паштовы кліент, але і падмурак для Ўэб-распрацовак.
Мазіла мае ў сваім складзе ўдасканаленыя прылады, такія як Аглядальнік DOM,
Наладнік JavaScript, а таксама падтрымку XML, DHTML, XUL, SOAP, XSLT і г.д.
Вы не знойдзеце лепшай платформы для пабудовы прыстасаванняў Уэбу і Інтранэту.
